Хувьцаа эзэмшигчдийн ээлжит хурлаа цахимаар зохион байгууллаа
Монголын цахилгаан холбоо ХК-ийн Хувьцаа эзэмшигчдийн ээлжит хурал 2021 оны 4 дүгээр сарын 29-ний өдөр цахимаар амжилттай болж өндөрлөлөө.
Хувьцаа эзэмшигчдийн хуралд 24,500,642 ширхэг хувьцаа эзэмшиж байгаа 11 хувьцаа эзэмшигч оролцож хурлын ирц 94.71% байлаа.
Хурлаар дараах асуудлуудыг хэлэлцлээ.
- Компанийн 2020 оны үйл ажиллагааны болон санхүүгийн тайлангийн талаарх Төлөөлөн удирдах зөвлөлийн гаргасан дүгнэлтийг батлах тухай
- Компанийн 2020 оны санхүүгийн тайлан, түүнд хийгдсэн хараат бус аудитын дүгнэлтийг батлах тухай
- Төлөөлөн удирдах зөвлөлийн Аудитын хорооны санхүүгийн тайлангийн талаарх дүгнэлтийг батлах тухай
- 2019 оны ногдол ашиг тараасан тайлан танилцуулах тухай
- Төлөөлөн удирдах зөвлөлийн гишүүнийг чөлөөлж, сонгох тухай
- Төлөөлөн удирдах зөвлөлийн 2021 оны зардлын төсвийг батлах тухай
- Охин компани байгуулах тухай